Det er rart å vere ferdig med studiane og faktisk ha tid til å lese skjønnlitteratur utan å ha dårleg samvit. Eg har byrja krysse litt av (og utvide) på leselista som eg sette opp for 2015. For tida les eg Forbrytelse og straff av Dostojevskij. Eg veit ikkje kva det er, eg trur kanskje det er fordi eg ikkje hadde forventningar, men eg er skikkeleg positivt overraska. Klassikarar er vel som oftast klassikarar av ein grunn.

forbrytelseogstraff

 

Det har vore ei stund sidan sist innlegg, og sidan sist har eg levert masteroppgåva mi! Den første frihelga mi på lang lang tid har eg mellom anna brukt til å lage årets første matcha latte. Det er ein skikkeleg sommardrikk om den lagast kald, men er veeeldig god med varm, steama mjølk òg. matchalatte1  matchalatte2 matchalatte3matchalatte4 matchalatte5Eg kjøpte matchapulveret (som er knuste blad av japansk grøn te) på Black Cat i Oslo. Det kosta 379 kroner, som er ein ganske stiv pris for berre 30 gram. Men akkurat når det gjeld matcha er det viktig å ha skikkeleg god kvalitet på det pulveret ein skal lage te av, spesielt om ein skal drikke det på tradisjonelt vis. Det skal vere ferskt og ha ein klår, sterk grønfarge. Om du kjem over billegare matcha, kan den brukast i matlaging (kjempebra i kaker!). I dag lagde eg latte av rismjølk med kokos, den er søta frå før, så eg treng ikkje tilsette noko. Men i fjor brukte eg mykje soyamjølk eller kumjølk, og det var eigentleg litt betre. Går sannsylegvis an å lage med rein kokosmjølk òg, om du likar kokos. Seinare i sommar skal eg prøve med heimelaga mandelmjølk.

 

heimekontoret heimekontoret2Heimekontor betyr at eg må skjerpe meg sikkeleg for å ikkje gjere alle andre ikkje-jobbrelaterte ting, ikkje tenkje å blomane som må vatnast, klesvasken som må setjast på, oppvasken, etc. Men herlighet så fint det er å berre kunne stå opp, lage ein kopp te og starte jobbinga. Nyte at det er heilt stille rundt meg og at eg får litt tid åleine (det er veldig sjeldan at det skjer når ein bur i ein by). I dag skriv eg på masteren min og eit føredrag eg skal halde i Trondheim i helga (jei!), pluss at eg prøvar å drikke opp vår-teen min frå i fjor. I dag: Grøn kinesisk te. Elskar det. Vår i ein mummikopp!

I dag var litt annleis enn alle andre typiske heimekontordagar: Kjærasten min spanderte impulsfrukost på kafé. Eg og han sat oss i ein lånt bil og køyrde frå Grünerløkka til Pilestredet (Eg veit! Men eg øvar meg til lappen, og då må vi køyre så ofte vi kan) og drakk kaffi og las avis ute. Klokka ti var eg tilbake, med ein fin-merkeleg bukett med blomar i handa (har eg nemnt at kjærasten min er verdas beste?) som luktar heilt fantastisk søtt og skogaktig. Den fekk vere med på skrivebordet som selskap. Sitrontreet som eg planta frå ein stein i fjor, står heilt til venstre. Om seks år kan eg hauste inn ferske sitroner.

kjærleikHurra for kjærleiken! Her kjem nokre te-relaterte tips til kva de kan finne på til valentinsdagen om de vil setje litt ekstra pris på ein kjærast, venn, mamma, pappa eller søsken. Eg er ikkje veldig fan av slike kommersielle dagar der alt handlar om å bruke pengar, men tenkjer at det er veldig bra å bli minna på å gjere noko fint for andre. Og det treng jo ikkje vere spesielt dyrt, vanskeleg eller stress.

1. Lag di eiga teblanding med smak. Bruk ein god te som base (vel sjølv om du vil bruke kvit, svart, eller grøn te) og bland i tørka urter, blomar eller frukt som du vil. Når eg ein sjeldan gong drikk slike blandingar, er eg svak for smakar som mynte, rose eller lavendel. Det meste får ein kjøpt på helsekostbutikkar. Når du først er i gong, er det lett å lage mykje. Putt blandinga i ein fin teboks (obs! helst lufttett og lystett) og lag ein personleg etikett.

2. Inviter til tesalong. Om du har utstyret til det og vil gjere det med skikkeleg stil, inviter til kinesisk eller japansk tesermoni (mange videoar på youtube). Eller inviter på skikkeleg britisk afternoon tea med kaker og sandwich. Eller gå for ein skikkeleg avslappa salong der folk kan komme og drikke deg ut av teskuffa/tehylla di medan de kan snakke lenge om alt mellom himmel og jord. Ekstratips: Lag ein skikkeleg styggmorosam invitasjon og send på e-post.

3. Arranger drink-kveld med te-tema (funkar like bra som romantisk og morosam greie åleine med kjærasten som med full vennefest). Det fins så mange gode drinkar ein kan lage med te! Brygg favoritt-teen din, miks inn sukker eller noko anna søtt etter behov og bland med lys eller mørk rom, sjampanje eller det du har for hand. Ein favoritt hjå meg når det lir utover kvelden er ein stor kopp svart te blanda med ein klunk med konjakk (helsing meg, 80 år). Alkoholfrie drinkar med te er òg veldig enkelt.

4. Om du har ein nerdekjærast som kanskje ikkje er så interessert i te i utganspunktet, kan eg verkeleg tilrå eit tesmakingkurs som gåve. I Oslo arrangerer Palais des Thés slike kurs, dei er veldig fine og passeleg lange. Og så er det så bra å gje aktivitetar og kvalitetstid i gåve.

Håpar de får ei fin helg, både om de vel å feire valentinsdagen eller ikkje! Ps. Om de har lyst til å røyste på meg i blogg-kåringa som framtida.no har, kan de gjere det her.

 

sølvDet har skjedd gradvis, men plutseleg er lyset attende. I Oslo har det vore eit merkeleg, deileg påskevêr dei siste dagane (ein varm tanke til dei som har hatt kjempa mot stormen!). Sjølv om den kvite årstida nærmar seg slutten, er det på denne tida eg har mest lyst på kvit te. Ein klassikar eg stadig kjem attende til er Silver Needle, ein mjuk, søt, enkel og mild kvit variant. Den har fått namnet sitt fordi blada liknar små sølvnåler, og den tørka teen har eit lite lag av kvit pels, dei liknar litt på dei fine pusekattane ein snart kan finne på vårtrea.

sølv2Eg brukar vatn på 80 grader, og lar teen ligge i til eg er nøgd med fargen. Når eg ikkje brukar for varmt vatn, er det ikkje så farleg med trekketida – det skal mykje til for å gjere teen for bitter. Men eit par minutt held, altså. Det som er verdt å merke seg, er at når ein lagar slike milde tear som ikkje har så sterk smak, så er vasskvaliteten ganske viktig. Eg merkar stor skilnad på vatn som har blitt kokt mange gonger (typisk slikt vatn som er att i vasskokaren). Så pass på å bruk heilt friskt oksygenrikt vatn rett frå springen!

sølv3Og så har eg fått eit nytt tre! Er så forelska i det.

lesedagboklesedagbok2Inspirert av Mariell, har eg sett opp ei liste over bøker eg skal lese i 2015. Så spennande! Dei siste åra har eg ført lister over bøker eg har lese, noko som er veldig fint å kunne sjå attende på i ettertid. Så det er eit lite tips frå meg til dykk (og eg tykkjer det er ekstra fint å ha det handskrive i ei lita bok). Men til lista:

The Goldfinch av Donna Tartt

Adam av Ariel Schrag

Rosens navn av Umberto Eco

Beckomberga av Sara Stridsberg

A Tale of Two Cities av Charles Dickens

Mi briljante venninne av Elena Ferrante

Monstermenneske av Kjersti Annesdatter Skomsvold

Forbrytelse og straff av Fjodor Dostojevskij

Soga om vêret av Bergsveinn Birgisson

I ringane av Kristina Leganger Iversen

Født feminist av Marta Breen

Europeere av Simen Ekern

12 bøker, ein for kvar månad i året. God miks av kvinner, menn, klassisk, kontemporært, tjukke, tynne, og litt sakprosa. Alle burde lese litt meir sakprosa. I tillegg har eg ei liste med kanskje-bøker og sjølvsagt ei lita opning for spennande haustbøker som kjem ut i år. Eg har allereie lese ei i januar, men trur at det kjem til å gå litt sakte fram til sommaren. Men har planar om ein skikkeleg lesehaust!

Dei aller fleste bøkene står uleste i hylla mi, og eg kjenner det litt som Olav H. Hauge då han skreiv i dagboka si 17. november 1955:  Eg likar ikkje kjøpa bøker som eg ikkje les. Bokhylla vert ikkje mi lenger då, framande makter har teke plass der som eg ikkje kjenner. På tide å bli kjent med bøkene mine. Nokon som har lese noko på lista mi?

Andre bøker lest i 2015:

Dommedøgn av Kjersti Wøien Håland

Alle utlendinger har lukka gardiner av Maria Navarro Skaranger

Klokken og sengen av Eline Lund Fjæren

 

Å, det er så mørkt ute! Heldigvis har eg ein te som passar perfekt. Denne fekk eg av eit vennepar som alltid er ute og reiser (hallo i New Zealand eller kvar de er no!). Ein mørk, mørk pu erh, med mykje sødme og jordsmak. Mmm. Kjøpt i Aust-Europa ein stad, med bryggemetode på ein post-it-lapp.

puerTil teen les eg den italienske forfattaren (pseudonym) Elena Ferrante si første bok i ein serie bøker frå Napoli som kjem ut på norsk i slutten av mars. Sidan eg arbeider i forlaget, får eg lese den litt før alle andre. Har eg nemnt at eg er forelska i Italia? I boka får vi eit fantastisk innblikk i korleis det var å vekse opp i Napoli i etterkrigstida. Neste tur til Italia går til Roma i påska. Då eg var der i fjor på den tida, var det vår og eg kunne sykle lettkledd på smale stiar i store parkar. På tide å finpusse italiensken! ferranteBortsett frå å drøyme meg bort til vacanze in cittá calde e fantastici for å jage det siste av mørketida bort, et eg god mat, trenar masse, les, søv, strikkar og held meg unna alkohol. Kjedelig, men frykteleg effektivt.

Følg

Få alle nye innlegg levert til Innboksen din.

Join 25 other followers