Gje litt kjærleik

kjærleikHurra for kjærleiken! Her kjem nokre te-relaterte tips til kva de kan finne på til valentinsdagen om de vil setje litt ekstra pris på ein kjærast, venn, mamma, pappa eller søsken. Eg er ikkje veldig fan av slike kommersielle dagar der alt handlar om å bruke pengar, men tenkjer at det er veldig bra å bli minna på å gjere noko fint for andre. Og det treng jo ikkje vere spesielt dyrt, vanskeleg eller stress.

1. Lag di eiga teblanding med smak. Bruk ein god te som base (vel sjølv om du vil bruke kvit, svart, eller grøn te) og bland i tørka urter, blomar eller frukt som du vil. Når eg ein sjeldan gong drikk slike blandingar, er eg svak for smakar som mynte, rose eller lavendel. Det meste får ein kjøpt på helsekostbutikkar. Når du først er i gong, er det lett å lage mykje. Putt blandinga i ein fin teboks (obs! helst lufttett og lystett) og lag ein personleg etikett.

2. Inviter til tesalong. Om du har utstyret til det og vil gjere det med skikkeleg stil, inviter til kinesisk eller japansk tesermoni (mange videoar på youtube). Eller inviter på skikkeleg britisk afternoon tea med kaker og sandwich. Eller gå for ein skikkeleg avslappa salong der folk kan komme og drikke deg ut av teskuffa/tehylla di medan de kan snakke lenge om alt mellom himmel og jord. Ekstratips: Lag ein skikkeleg styggmorosam invitasjon og send på e-post.

3. Arranger drink-kveld med te-tema (funkar like bra som romantisk og morosam greie åleine med kjærasten som med full vennefest). Det fins så mange gode drinkar ein kan lage med te! Brygg favoritt-teen din, miks inn sukker eller noko anna søtt etter behov og bland med lys eller mørk rom, sjampanje eller det du har for hand. Ein favoritt hjå meg når det lir utover kvelden er ein stor kopp svart te blanda med ein klunk med konjakk (helsing meg, 80 år). Alkoholfrie drinkar med te er òg veldig enkelt.

4. Om du har ein nerdekjærast som kanskje ikkje er så interessert i te i utganspunktet, kan eg verkeleg tilrå eit tesmakingkurs som gåve. I Oslo arrangerer Palais des Thés slike kurs, dei er veldig fine og passeleg lange. Og så er det så bra å gje aktivitetar og kvalitetstid i gåve.

Håpar de får ei fin helg, både om de vel å feire valentinsdagen eller ikkje! Ps. Om de har lyst til å røyste på meg i blogg-kåringa som framtida.no har, kan de gjere det her.

 

Advertisements
3 comments
  1. ida said:

    Gode tips! Jeg er heller ikke så glad i slike dager hvor poenget er å melke forbrukerne for enda mer penger, men å gjøre noe fint for samboeren er noe jeg absolutt liker. Prøver å gjøre det hele året da, i stedet for kun på en dag. Jeg har også heldigvis en samboer som er ganske glad i te, så disse tipsene var helt perfekte. Takk!

    • ida said:

      Du fikk forresten min stemme i bloggkåringen 🙂

  2. så fine tips! eg fekk laga ein eigen te til kjærasten min sist gong han hadde bursdag, og han vart veldig glad. 🙂

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut / Endre )

Twitter-bilde

Du kommenterer no med Twitter-kontoen din. Logg ut / Endre )

Facebook-foto

Du kommenterer no med Facebook-kontoen din. Logg ut / Endre )

Google+ photo

Du kommenterer no med Google+-kontoen din. Logg ut / Endre )

Koplar til %s

%d bloggarar likar dette: