Arkiv

Litteratur

Det er rart å vere ferdig med studiane og faktisk ha tid til å lese skjønnlitteratur utan å ha dårleg samvit. Eg har byrja krysse litt av (og utvide) på leselista som eg sette opp for 2015. For tida les eg Forbrytelse og straff av Dostojevskij. Eg veit ikkje kva det er, eg trur kanskje det er fordi eg ikkje hadde forventningar, men eg er skikkeleg positivt overraska. Klassikarar er vel som oftast klassikarar av ein grunn.

forbrytelseogstraff

 

Advertisements

lesedagboklesedagbok2Inspirert av Mariell, har eg sett opp ei liste over bøker eg skal lese i 2015. Så spennande! Dei siste åra har eg ført lister over bøker eg har lese, noko som er veldig fint å kunne sjå attende på i ettertid. Så det er eit lite tips frå meg til dykk (og eg tykkjer det er ekstra fint å ha det handskrive i ei lita bok). Men til lista:

The Goldfinch av Donna Tartt

Adam av Ariel Schrag

Rosens navn av Umberto Eco

Beckomberga av Sara Stridsberg

A Tale of Two Cities av Charles Dickens

Mi briljante venninne av Elena Ferrante

Monstermenneske av Kjersti Annesdatter Skomsvold

Forbrytelse og straff av Fjodor Dostojevskij

Soga om vêret av Bergsveinn Birgisson

I ringane av Kristina Leganger Iversen

Født feminist av Marta Breen

Europeere av Simen Ekern

12 bøker, ein for kvar månad i året. God miks av kvinner, menn, klassisk, kontemporært, tjukke, tynne, og litt sakprosa. Alle burde lese litt meir sakprosa. I tillegg har eg ei liste med kanskje-bøker og sjølvsagt ei lita opning for spennande haustbøker som kjem ut i år. Eg har allereie lese ei i januar, men trur at det kjem til å gå litt sakte fram til sommaren. Men har planar om ein skikkeleg lesehaust!

Dei aller fleste bøkene står uleste i hylla mi, og eg kjenner det litt som Olav H. Hauge då han skreiv i dagboka si 17. november 1955:  Eg likar ikkje kjøpa bøker som eg ikkje les. Bokhylla vert ikkje mi lenger då, framande makter har teke plass der som eg ikkje kjenner. På tide å bli kjent med bøkene mine. Nokon som har lese noko på lista mi?

Andre bøker lest i 2015:

Dommedøgn av Kjersti Wøien Håland

Alle utlendinger har lukka gardiner av Maria Navarro Skaranger

Klokken og sengen av Eline Lund Fjæren

 

Å, det er så mørkt ute! Heldigvis har eg ein te som passar perfekt. Denne fekk eg av eit vennepar som alltid er ute og reiser (hallo i New Zealand eller kvar de er no!). Ein mørk, mørk pu erh, med mykje sødme og jordsmak. Mmm. Kjøpt i Aust-Europa ein stad, med bryggemetode på ein post-it-lapp.

puerTil teen les eg den italienske forfattaren (pseudonym) Elena Ferrante si første bok i ein serie bøker frå Napoli som kjem ut på norsk i slutten av mars. Sidan eg arbeider i forlaget, får eg lese den litt før alle andre. Har eg nemnt at eg er forelska i Italia? I boka får vi eit fantastisk innblikk i korleis det var å vekse opp i Napoli i etterkrigstida. Neste tur til Italia går til Roma i påska. Då eg var der i fjor på den tida, var det vår og eg kunne sykle lettkledd på smale stiar i store parkar. På tide å finpusse italiensken! ferranteBortsett frå å drøyme meg bort til vacanze in cittá calde e fantastici for å jage det siste av mørketida bort, et eg god mat, trenar masse, les, søv, strikkar og held meg unna alkohol. Kjedelig, men frykteleg effektivt.

Det er tidleg adventssundag, berre radioen som spelar roleg klassisk musikk og eg har ei altfor stor bok. Kaldt ute, varmt inne, rundstykker i omnen. I koppen er ein relativt ny oolong frå ein ny bergensbasert tebutikk, Tedragen. (Eg kjøpte òg ein heilt nydeleg pu-erh). Det er så bra at det kjem fleire norske tebutikkar som har kvalitetste! Denne teen heiter Da Hong Pao, eller Stor raud kappe. Bakgrunnen for namnet står trykt utanpå pakken, og eg elskar å lese slike historier, sjølv om det sikkert berre er to prosent sanning i dei. Den har høg oksideringsgrad, mørk i fargen og ganske søt. Om du ikkje har drukke så mykje oolong før, ville eg ha starta med ein litt lysare ein, men dei mørke er veldig gode om hausten og vinteren.

goldfinchraud kappeResten av dagen skal eg jobbe hardt hardt hardt med master og feire med Interstellar på kino. Ha ein fin adventssundag!

Bakgården som kontor. Frisk luft, blomstrande tre, men veldig enkelt å hente endå ein kopp med rykande varm te. I dag drikk eg ein mørk yunnan, hausta inn i vår. Heilt fersk. Toppskot og mykje koffein. Berre dagar att til to eksamensinnleveringar, heldigvis er den eine eksamenen om ei av dei vakraste diktsamlingane eg veit om, frå ein av mine favorittforfattarar. Litteraturteorien kjennest litt mindre uoverkommeleg i sola.

bakgårdbladverkyunnan2014urdsolPS. Og medan vi sit her i Noreg og nyt sola og tek utdanning og les til eksamen, er det 234 jenter som er sakna i Nigeria. Dei vart kidnappa frå klasseromma sine fordi dei ville ta utdanning, midt under ei fysikkprøve. Etter to veker er det ingen som veit kvar dei er, og ingen leitar etter dei. Det er så hjarteskjærande at eg ikkje klarer å finne ord. Les dette blogginlegget og signer dette oppropet.

wpid-20131017_164704.jpgwpid-20131017_164618.jpgwpid-20131020_113815.jpgwpid-20131020_114553.jpgEg trur det var Agnes Ravatn som ein gong svarte på spørsmålet om ho kunne dele sitt beste skjønnheitstips, at det var å høyre på ei forelesning på podcast medan ho sminka seg.

Inspirert av dette svaret,  vil eg gjerne dele mitt beste skjønnheitstips; å lese eit essay medan eg drikk ein kopp te (og masse vatn). Godt for hovudet, godt for kroppen.  Les for eksempel Karin Moe. Eller Dag Solstad. Eller Arne Garborg. Eller Jon Fosse. Det er eit hav å ta av. Det får tankane til å krølle seg litt, før dei breiar seg ut. Og alle som ser deg gå nedover gata ser på deg at du ber på meir enn eit vakkert sminka andlet. Vakkert.

(Ps. Teen eg drikk i dag er ein grøn te med roser og mandel frå Le Palais des Thés)

Og så til det alle lurer på. Kva i allverda har eg i glasset for tida? Og kva bok har eg i fanget?

IMAG1081IMAG1082IMAG1079For eit par år sidan var eg heilt hekta på pu erh-te. Te frå Yunnan i Kina som helst har vore lagra lenge. Den er mørk som kaffi (vanlegvis, ikkje på biletet over), djup på smak, smakar kanskje litt av våt jord og passar perfekt på denne tida av året. Min puh erh har bitar av ingefær, i tillegg til å vere lagra i ein boks som er laga av kanelbark (!) som gjer at den trekk til seg litt kanelsmak. Heilt himmelsk. Men pu erh er veldig godt i seg sjølv, utan tilsett smak, og veldig sunn. Oftast er teblada lagra samanpressa i små eller store kaker.

Og så har eg nokre sider att av Knausgård sitt storverk, 3. bok. Det er heilt fantastisk stor litteratur. Eg har brukt lang tid, lest andre bøker innimellom, men kjem alltid tilbake. Og så slår det meg på nytt kor bra det er. Stakkars alle som er i nærleiken av meg når eg har ein Knausgård-periode. Då snakkar eg ikkje om anna.