Arkiv

Tesnakk

Det har vore ei stund sidan sist innlegg, og sidan sist har eg levert masteroppgåva mi! Den første frihelga mi på lang lang tid har eg mellom anna brukt til å lage årets første matcha latte. Det er ein skikkeleg sommardrikk om den lagast kald, men er veeeldig god med varm, steama mjølk òg. matchalatte1  matchalatte2 matchalatte3matchalatte4 matchalatte5Eg kjøpte matchapulveret (som er knuste blad av japansk grøn te) på Black Cat i Oslo. Det kosta 379 kroner, som er ein ganske stiv pris for berre 30 gram. Men akkurat når det gjeld matcha er det viktig å ha skikkeleg god kvalitet på det pulveret ein skal lage te av, spesielt om ein skal drikke det på tradisjonelt vis. Det skal vere ferskt og ha ein klår, sterk grønfarge. Om du kjem over billegare matcha, kan den brukast i matlaging (kjempebra i kaker!). I dag lagde eg latte av rismjølk med kokos, den er søta frå før, så eg treng ikkje tilsette noko. Men i fjor brukte eg mykje soyamjølk eller kumjølk, og det var eigentleg litt betre. Går sannsylegvis an å lage med rein kokosmjølk òg, om du likar kokos. Seinare i sommar skal eg prøve med heimelaga mandelmjølk.

 

sølvDet har skjedd gradvis, men plutseleg er lyset attende. I Oslo har det vore eit merkeleg, deileg påskevêr dei siste dagane (ein varm tanke til dei som har hatt kjempa mot stormen!). Sjølv om den kvite årstida nærmar seg slutten, er det på denne tida eg har mest lyst på kvit te. Ein klassikar eg stadig kjem attende til er Silver Needle, ein mjuk, søt, enkel og mild kvit variant. Den har fått namnet sitt fordi blada liknar små sølvnåler, og den tørka teen har eit lite lag av kvit pels, dei liknar litt på dei fine pusekattane ein snart kan finne på vårtrea.

sølv2Eg brukar vatn på 80 grader, og lar teen ligge i til eg er nøgd med fargen. Når eg ikkje brukar for varmt vatn, er det ikkje så farleg med trekketida – det skal mykje til for å gjere teen for bitter. Men eit par minutt held, altså. Det som er verdt å merke seg, er at når ein lagar slike milde tear som ikkje har så sterk smak, så er vasskvaliteten ganske viktig. Eg merkar stor skilnad på vatn som har blitt kokt mange gonger (typisk slikt vatn som er att i vasskokaren). Så pass på å bruk heilt friskt oksygenrikt vatn rett frå springen!

sølv3Og så har eg fått eit nytt tre! Er så forelska i det.

purpleWild Tree Purple Varietal Black Tea of Dehong (Spring 2012). I sommar kjøpte eg ein ganske spesiell te, men den har fått ligge i ro heilt til no. Kanskje var det den intense varmen i år som gjorde at eg ikkje var så ofte i humør til kinesisk svart te. Men no når kveldane er mørkare og dagslyset er skarpare og klårare, så har eg oppdaga denne på nytt. Teen er frå ei eldgamal tebusk med lilla blader, hausta inn i Dehong, som ligg heilt vest i Yunnan-provinsen i Kina. Smakar søtt av honning (nesten sukra) og er veldig mild, litt krydra. Har for det meste brygga teen i ein gaiwan, og då med fleire trekk. Ein gong gøymde eg han litt, men han vart likevel ikkje så bitter som andre svarte tear har ein tendens til å bli. Fargen i koppen er så fin og varm. Eg har ikkje sett denne teen i norske butikkar, så om du har lyst til å prøve bør du kjøpe i ein utanlandsk nettbutikk. Eg kan verkeleg tilrå Yunnan Sourcing, dei har veldig god kvalitet på teen (og eit stort utval av pu er). No ser eg fram til lange, stadig mørkare haustkveldar. Ah.

etikettDette er altså teen eg har drukke på dei siste dagane. Ein first flush frå Darjeeling som ikkje smakar som noko first flush eg har drukke tidlegare år. Smaken er meir kompleks og «mørkare» enn fleire av dei andre på marknaden. Tyngre smaksnotar som frukt, mandel og honning – og litt bitter mot slutten. Men lett til å vere ein svart te. Fargen er ein heilt fantastisk gull-aktig oransje, som er uendeleg vakker gjennom den skarpe vårsola som vi har i Oslo for tida. Eg smakte på denne før eg kjøpte den, så eg visste at den var god. Og fordi smaken er så samansett har eg ikkje gått lei – berre meir begeistra for kvar gong eg drikk han.

darjeelingmissionhillBlada er rulla saman og er for det meste mørkegrøne. Og så luktar dei kjempegodt og nesten litt krydra.

darjeelingisolOm du berre skal ha ein first flush i år, kan eg verkeleg tilrå denne. Av dei andre eg smakte på Le Palais des Thés, var òg ein frå Teesta Valley veldig, veldig god, og ein eg vurderer å kjøpe. Om du ikkje har smakt så mykje first flush frå Darjeeling før, kan eg òg tilrå den frå Longview. Den er veldig lett og lys. For meg er dette vårkjensle i ein kopp! Det er ein grunn til at desse teeane er kjende som teens Champagne.

dagogtidSidan sist har eg skrive om te-reiskapar på i vekeavisa Dag og Tid og sikra meg ein heilt ny og fersk darjeeling av first flush-innhaustinga. Le Palais Des Thés i Oslo hadde prøvesmaking i førre veke, og eg plukka med meg den eg likte best. Smaken av vår.

1. At det regnar og at eg kan vere inne med ein kopp fantastisk te frå Yunnan. Frå ei lilla tebusk, meir om dette seinare!

lillayunnan2. Å kunne sjå ut på ei blomekasse med urter og blomar og glede seg til dei veks til.

kasse2 3. Å  ha fått tid til å potte om dei sårt trengande paprika- og chiliplantane som endeleg har fått meir plass.

ompotting 4. Sette plantane i glaset på heimekontoret og ha endå fleire plantar utanfor i blomekassa. Kjenne lukta av den marokkanske mynten kvar gong eg opnar glaset.

kasse1 5. Chia-pudding til lunsj med heimelaga (!) mandelmjølk.

chiamandel 6. Å kunne sykle overalt med denne flotte 64-åringen (og hjelm, sjølvsagt).

sykkel 7. Ha ein vindaugskarm som er full av spirande greier. Vår!

kvitlaukingefær 8. Ny såpe som er handlaga og luktar mint. Og søt såpekopp.

mintsåpe 9. Sykle oppover Grünerløkka og oppdage at to kule kvinner har fått ein eigen benk.

benk 10 . Ha ein kjærast med hytte ved vatnet utanfor Oslo, og som er flink til å køyre bil og ro, slik at vi kjem oss trygt fram (og tilbake). Helgeturar. Null dekning.

hytta 11. (Bonus!) Få vener på middagsbesøk som tek med kvite peonar.

kvitpeon

kvitlaukSidan sist har eg planta eit kvitlauksfedd (som internett seier kjem til å bli ein heilt ny og fin kvitlauk), drukke kvit te, reist til vestlandet og tilbake og levert frå meg to eksamenar. Klar til å møte sommaren med kvite, blanke ark!

silverneedle